ILOILO CITY – Ginsuguran na ang pag-deploy sang augmentation force sa probinsiya sang Antique bilang preparasyon sa Palarong Pambansa 2017 nga hiwaton sa masunod nga semana.
Sa interview sang Bombo Radyo Iloilo, ginpahayag ni Police Regional Office 6 (PRO6) spokesman Supt. Gilbert Gorero nga nagdugang na sang puwersa sang kapulisan sa Antique bangud sang pag-abot subong nga semana sang bulto sang delegasyon nga magapasakop sa pinakadako nga sporting event sa pungsod.
Suno kay Gorero, naka-heightened alert na ang tanan nga mga airports kag seaports sa Western Visayas ilabi na ang agyan sang mga atleta padulong sa probinsiya sang Antique.
Ginpahayag ni Gorero nga indi pa handa ang mga puerto kag airports sang Antique rason nga maga-agi ang mga delegates para sa Palarong Pambansa sa iban nga probinsiya kaangay sang Iloilo kag Aklan, antes magpadulong sa Antique.