ILOILO CITY– Ginpaboran sang executive assistant for barangay affairs sang syudad sang Iloilo ang pag-deputize sa barangay officials agud magpanakop sa mga naga-illegal parking.
Sa interview sang Bombo Radyo kay Fernando Jose ‘Boyet’ Rico, iya ginpahayag nga sakop sang katungdanan sang mga punong barangay ang pagtinlo sa mga barangay road sa syudad sang Iloilo.
Suno kay Rico, kinahanglan nga mahibaluan sang barangay officials kun ano ang traffic rules agud mahibaluan man kun ano ang violations nga mahimo isilot sa violator.
Indi kinahanglan suno kay Rico nga matahap ang mga barangay official nga magpangsaway sa mga uniformed personnel nga naga illegal parking.
