Nadugangan ang pag-export sang saging nga sab-a halin sa pungsod pakadto sa New Zealand.
Ini na ang ikaduha nga kargamento sang saging nga napadala na sa nasambit nga pungsod.
Kabahin ini sang padayon nga pagpasangkad sang merkado sang mga produktong pang-agrikultura sang pungsod sa international market suno sa Department of Agriculture.
Ang kargamento nagalakip sang isa ka 40-foot refrigerated container nga may sulod nga 1,400 ka kahon sang de-kalidad nga saging nga saba halin sa isa ka kompanya nga nakabase sa Davao.
Suno sa DA, ginputos sang maayo ang mga saging samtang ginadala kag masiguro nga nagasunod ini sa gina-demand sang New Zealand sa food safety kag plant quarantine.
Pahayag pa ni Agriculture Secretary Francisco Tiu Laurel Jr., ang ini nga eksportasyon nagapakita sang nagadugang nga pag-kinahanglan sang iban nga mga pungsod para sa de-kalidad nga mga produktong pang-agrikultura nga nagikan sa Pilipinas.
