ILOILO – Wala sang paghulag sa presyo sang mga basic necessities kag medical supplies nga ginabaligya sa merkado sa probinsya sang Iloilo
Sa interview sang Bombo Radyo kay Felisa Judith Degala, Officer-in-Charge sang Department of Trade and Industry 6, iya ginpahayag nga base sa paglibot sang ahensya subong nga adlaw sa mga merkado kag mga mall, ila gintsekyar ang mga presyo sang alchol, gloves, mask kag mga pagkaon.
Suno kay Degala, para sa may mga reklamo nga luyag ipalab-ot kaangay sang mga naga hoard kag nagabaligya sang tuman ka mahal nga medical supplies, magtawag lang sa 335-01-49 ukon 337-03-92.
Pahayag niya, gin-set mismo sang Department of Health ang prize freeze sa mga medical supplies kag pagkaon.
Sa bahin naman sang online selling, nagpanugyan si Degala nga indi pag-itolerar ang mga nagabaligya nga may tuman ka mahal nga presyo sang alcohol kag mask.
Antes magbakal sa mga online seller, kinhanglan hibaluon kun bala lehitimo ang mga ini kag kun may yara sila sang business name registration sa Department of Trade and Industry.
