Gin-anunsyo sang Pag-IBIG Fund nga magapataas sila sang 100-percent sa contributions sang ila mga myembro umpisa sa Pebrero.
Suno kay Marilene Acosta, Chief Executive Officer sang Pag-IBIG, ang bag-o nga contribution ang mangin P200 na halin sa P100.
Ang mga employers ang ginamanduan naman nga tupungan ang nasambit nga contributions, sa diin nagakahulugan nga ang mga members ang makatipon sang P400 kada bulan.
Ginpahayag ni Acosta nga ang pagtaas sang contribution ang magahatag sang benepisyo sa mga myembro bangud magataas man ang kantidad nga mahimo mautang para sa short-term loans, kag magapataas man sang savings sa tion nga magretiro kag magapanubo sa interest para sa housing loans.
Ginalauman suno kay Acosta nga magadangat sa P38 billion ang madugang sa revenue kada tuig bangud sa pagpataas sang housing loans, kag magapabilin sa interest sang housing loans sa 6 percent kada tuig.
