Mahilig ka bala mag-inom sang tubig nga may ice?
Malamig ukon maalabaab man ang aton gina-inom nga tubig, nagabulig ini agud nga mapabilin nga hydrated ang aton nga lawas.
Apang suno sa mga eksperto, mas bentaha sa ikaayong lawas kun anadon naton ang aton kaugalingon sa pag-inom sang maalabaab nga tubig bangud nagabulig ang warm water sa pag-improve sang digestion, nagapaayo sang nasal congestion, kag naga-promote sang relaxation ipaanggid sa masami nga pag-inom sang malamig nga tubig.
Suno kay Jillian Kubala, registered dietitian sa Westhampton, New York, napamatud-an sa isa ka pagtuon sang 2019 nga ang masami nga pag-inom sang maalabaab nga tubig ang nagaresulta sa pagsanyog sang central nervous system activity kalakip na sang mood.
Ini ang rason suno sa eksperto kun ngaa naganubo ang anxiety levels sang isa ka indibidwal kag nagataas ang iya relaxation levels.
Ang pagsimhot naman sang baho sang mainit ukon maalabaab nga tubig ang makapaayo sang nasal congestion ukon clogged sinuses kag sinuses headache.
