Ginapanan-aw nga mapanubo sang investment sang Maharlika Investment Corporation sa National Grid Corporation of the Philippines (NGCP) ang electricity costs kag ma- stabilize ang electricity supply.
Suno kay Maharlika Investment Corporation President Rafael Consing Jr., ang acquisition sang Maharlika sa 20-percent stake sa NGCP ang magabulig sa mga Filipinos nga nagapas-an sang nagataas nga electricity costs.
Paathag niya, kun lantawon, ang cost sang kuryente ang madamo sang ginahalinan kag isa ang transmission cost sa nagabug-os sang cost sang ginabayaran nga kuryente per kilowatt hour.
Sa bahin naman sang NGCP, makabulig ini nga mapanubo ang electricity cost paagi sa pagpasiguro nga ang rollout ang nagakatabo gid man.
Dugang niya, kun madinalag-on ang roll-out sang transmission grid infrastructure, mas magadamo ang power players nga makasulod sa grid kag magahatag sang supply sa grid.
Samtang, ginpaathag man ni Consing kun ngaa ginpili sang Maharlika ang NGCP bilang first investment bangud nga suno sa iya tuman ka importante ang energy security.
