Ginklaro sang mga opisyal sa Malacañang nga wala pa sang diskusyon nga gamiton ang Mutual Defense Treaty (MDT) kaupod sa United States kasunod sang pagpang-harass sang China Coast Guard (CCG) sa Ayungin Shoal (Second Thomas) sang Hunyo 17 nga rason kun ngaa nautdan sang tudlo ang isa ka Navy personnel.
Ginpahayag ini ni Presidential Assistant on Maritime Concerns Retired General Andres Centino, anay chief sang Armed Forces of the Philippines (AFP), sa isa ka press briefing kahapon, Hunyo 21.
“That has not been — your question about the invocation of the Mutual Defense Treaty, that has not been considered in our discussions,” suno kay Centino.
Mangin si Executive Secretary Lucas Bersamin ang nagsiling nga wala pa ginakonsiderar nga ipasaka sa mas mataas nga international body ang isyu sa West Philippine Sea.
“That’s not yet into consideration because I think this is a matter that can easily be resolved very soon by us, and if China wants to work with us, we can. We’ll work with China,” pahayag ni Bersamin.
Dugang sini, isa gid ka posible nga solusyon ang pagpakig-angot sa China agud nga maresolba ang isyu.
Nahibaluan nga sa idalom sang Mutual Defense Treaty nga nabalay sang 1951, ginakilala sang Pilipinas kag Estados Unidos ang “armed attack” sa Pacific area ukon sa kada isa sa duha ka mga nasyon nga delikado para sa kalinong kag safety sang pungsod. Ang armed attack sa idalom sang sini nga agreement ang nagalakip sa pagpang-atake sang iban sa metropolitan territory sang Pilipinas ukon US, sa island territories sa idalom sang hurisdiksyon sini sa Pacific Ocean, sa armed forces, sa public vessels ukon sa aircraft sa Pacific.
Sa amo man nga briefing, ginsiling ni Bersamin nga indi “armed attack” ang ginhimo sang China kundi posible nga may indi-paghangpanay lamang ukon aksidente: “Well, you know this was probably a misunderstanding or an accident. We’re not yet ready to classify this as an armed attack. I don’t know kung ‘yung mga nakita namin is bolo, axe, nothing beyond that.”#
