Masami ka bala masal-an buang ukon weird bangud ginasugilanon mo ang imo kaugalingon?
Ginakabig mo bala nga bestfriend ang imo kaugalingon bangud gina-istorya mo ini kun ikaw naga-isahanon?
Indi ka magkabalaka bangud ang pag-istorya sa kaugalingon ang may maayo nga benepisyo sa ikaayong lawas.
Santo sa pagtuon sa Quarterly Journal of Experimental Psychology sa Estados Unidos, ang mga tawo nga masami naga-istorya sa kaugalingon ang madasig nga makadumdom sang mga hilikuton bangud ginapaboost sini ang function sang brain cells agud kita makapaminsar sang tadlong kag ginapasangkad sini ang aton nga focus.
Ang pagsambit man sang mga handum ukon goals sang isa ka tawo sa iya kaugalingon ang nagapabulig pakuha sang mga stress hormones kag anxiety.
Ang masami nga pagsugilanon sa kaugalingon ang nagapabulig man pasangkad sang aton self-reliance kag confidence bangud mabatian naton ang aton tingog kag makilal-an ang matuod naton nga batasan.
