Nagapati ang Iloilo City Police Office (ICPO) nga indi dapat mag-relax ukon kampante sa pag-monitor sa mga kabataan sa Iloilo City nga nagakaulamid sa mga krimen.
Sa interview sang Bombo Radyo kay Police Major Shella Mae Sangrines, Spokesperson sang Iloilo City Police Office, iya ginpahayag nga padayon ang ila nga intervention kaupod ang pila ka mga barangay sa tagsa ka Distrito sang syudad agud nga malikaw ang mga menor-de-edad sa mga kinagamo.
Suno kay Sangrines, indi mahambal nga kululbaan ang mga grupo-grupo ukon mga gang nga naga-exist sa syudad.
Ginakabig naman sang tigpamaba sang ICPO nga isa ka ‘isolated case’ ang natabo sa pila ka mga menor-de-edad nga naulamid sa pila ka krimen nga nagluntad sa Iloilo City.
