Ginsuguran na sang Filipino Muslims ang month-long nga pag-oberba sang Ramadan sa pagpangamuyo sa mga mosques subong nga adlaw.
Ang Ramadan, ang ika-siyam kag holiest month sa Islamic calendar, nga amo ang para sa pagpangadi kag fasting.
Ini man ang commemorasyon sang una nga revelation ni Prophet Muhammad, ang founder sang Islam, nga amo isa sa mga religious group nga inscribed sa holy book nga Quran.
Sa interview sang Bombo Radyo kay Sultan Abdul Gaffar, Presidente sang Iloilo United Muslim Community, iya ginpahayag nga ginkalipay sang Muslims ang liwat nga paghanugut sa ila nga magpadulong kag magpangadi sa ila mga mosque makaligad ang duha ka tuig.
Suno kay Abdul Gaffar, ang Ramadan ang isa sa lima ka mga pillars sang Islamic faith.
Ang iban pa nga pillars amo ang profession of faith, five daily prayers, giving of alms kag pilgrimage to Mecca.
Suno sa natungdan, naga-fasting ang mga muslims sa sulod sang isa ka bulan sumugod las 5:00 sa aga tubtob las 6:00 sa gab-i sa diin ginadumilian ang ila pagkaon, pag-inom sang tubig kag kinahanglan nga likawan ang iban pa nga butang nga ila na nakaandan nga buhaton.
Mahimo naman nga magkaon suno sa sultan kun magpatak na sa las 6:01 ang oras sa gab-i.
