Pag-operate sang duha ka panbag-o nga bulangan sa syudad, ginatun-an sang City Council

ILOILO CITY — Tun-an sang maayo sang Committee on Games and Amusement sa Iloilo City Council ang hingyo sang duha ka operator sang bulangan sa syudad nga hatagan sila sang prangkisa agud maka operate sa Distrito sang Lapaz kag Lapuz.
Ginpahayag ni Konsehal Mandrei malabor nga nagpabutyag sang interes ang kumpaniya nga Rockwell nga na-base sa Lapuz kag Arma Cor nga na-base sa Lapaz nga mag-operate sang bulangan.
Tun-an man sang konsehal kung nakasunod sa zoning ang ginahamtanagan sang mga bulangan.
Suno kay Malabor, indi dapat pagdali-dalion ang paghatag sang prangkisa sa mga operator sang bulangan kag dapat nga mag-agi ini sa nagakaigo nga proseso kaangay sa paublic hearing.