Jaro, Iloilo City – Nagapanawagan ang barangay officials sang Ungka Jaro, Iloilo City sa ila mga pumuluyo nga likawan ang pag-parking sa atubang sang ila balay.
Sa interview sang Bombo Radyo kay Punong Barangay Rodel Mamon, sang Ungka, Jaro, Iloilo City, iya ginpahayag nga nagadugang sa pagpugok sang mga salakyan ang pag-parking sa kilid sang dalan ilabi na ang mga yara malapit sa Ungka flyover.
Suno kay Mamom, may mga pumuluyo ini nga pasaway kag padayon sa gihapon nga naga-parking sang ila salakyan sa gwa sang ila balay apisar nga nahibaluan na sang mga ini nga magapadugang ini sa trapiko.
Apisar nga ginbuksan ang alternatibo nga rota, ginpahayag ni Mamom nga magutok sa gihapon ang dalan bangud one-way lang ini.
