ILOILO CITY- Ginsuhestiyon ni Iloilo 2nd District Board Member Rolito Cajilig ang pag-reactivate sang Cleanest and Greenest Municipality Competition sa probinsya sang Iloilo.
Sa interview sang Bombo Radyo kay Board Member Cajilig, iya ginpahayag nga sa tunga ini sang nagapadayon nga pagtaas sang kaso sang dengue kun sa diin napaidalom na sa state of calamity ang probinsya.
Suno kay Cajilig, ginalantaw niya ini nga mangin epektibo nga pamaagi agud magkooperar pa gid ang mga pumuluyo sa pagpanguna sang local government unit agud magtinlo sa ila palibot agud matapna ang pagtaas sang kaso sang dengue.
Pahayag pa ni Cajilig, posible man nga papanaugon sa lebel sang barangay ang kompetisyon.
