ILOILO CITY — Ginakabig nga isa ka malisyoso nga akto ang pag-red tag ukon pag-label sa isa ka tawo kag organisasyon nga kritikal kag oposisyon sa gobyerno.
Sa interview sang Bombo Radyo kay Atty. Alfredo Arungayan III, Criminal Law Professor, University of San Agustin- College of Law, iya ginpahayag nga masami nagakatabo ang red tagging sa mga media kag mga indibidwal nga wala nagasuporta kag ginapakamalaut ang gobyerno.
Suno kay Arungayan, ginatawag nga komunista kag terorista ang ma-red tag bangud kalabanan diri ang nangin vocal sa pagpakigbato sang kinamatarong sang tawo batok sa gobyerno.
Ginpahayag man sini nga mahimo ma-red tag ang isa ka tawo ukon grupo paagi sa pagpadala sang sulat kag pag-call out gamit ang polisiya sang gobyerno bilang basehan.
Nagaguwa naman sa pagtuon sang National Union of Journalists of the Philippines (NUJP) nga sugod 2016 tubtob 2024, may yara na sang 159 ka mga journalists ang na-red-tag, sa diin anom lang diri ang naghimo sang tikang agud -address ang amo nga issue.
