ILOILO CITY – Tapuson subong nga semana ang pag-retrieve sang mga balota gikan sa probinsiya sang Iloilo nga kalakip sa manual recount sa election protest ni anay Sen. Bongbong Marcos batok kay Vice President Leni Robredo.
Sa interview sang Bombo Radyo, ginpahayag ni Atty. Emil Marañon, isa sa mga abogado ni Robredo, nakuha na ang mga balota gikan sa first, second kag third district sang Iloilo.
Ang mga balota na lang gikan sa duha ka distrito suno kay Marañon ang kinahanglan nga dal-on sa Korte Suprema nga amo ang nagaserbe nga Presidential Electoral Tribunal.
Gin-ako ni Marañon nga may duha ka mga ballot boxes kun sa diin nabasa ang balota apang ginpasiguro nga maisip gihapon ini as manual recount.
Samtang ginkalipay naman sang kampo ni Robredo nga mismo ang Korte Suprema ang nagdesisyon nga indi na pagdal-on sa recount ang mga balota gikan sa siyudad sang Iloilo.
Suno kay Atty. Marañon, wala maintyindihan snag kampo sang mga Marcos nga isa ka highly urbanized city ang siyudad sang Iloilo kag separado ini sa probinsiya sang Iloilo.