Wala anay gindesisyunan sang impeachment court ang pangabay sang House prosecution nga magpagwa sang subpoena para sa mga tax records kag bank records ni Vice President Sara Duterte kag iya bana tubtob sa Lunes, Hulyo 20.
Ini gin-anunsyo ni Presiding Officer Chiz Escudero matapos ang nangin desisyon sang mga senator-judge sa masobra isa ka oras nga closed-door caucus agud istoryahan ang mga mosyon nga magpaguwa sang subpoena.
Suno kay Escudero, sa liwat nga pagbukas sang impeachment court sa Lunes, hatagan sang kahigayunan ang mga senator-judge nga magpamangkot sa prosekusyon kag depensa nahanungod sa mosyon.
May ara man sang tag 10 ka minute ang tagsa ka mga senator-judge agud magpamangkot antes pagabotohan sa korte ang mga pangabay.
Nahibaluan nga ini ginpangabay sang prosekusyon agud makabulig ang mga record nga mapamatud-an ang ginapahayag unexplained wealth kag mga importante nga ebidensya sa impeachment case.
