ILOILO CITY- Nagpangabay ang Iloilo Police Provincial Office (IPPO) sa publiko nga mangin palaagyan agud mabatuan kag matapna ang kaso sang suicide sa probinsya.
Ini kasunod sang tatlo ka kaso sang pagpanginmatay sa probinsya sang Iloilo sa imbukada pa lang sang 2022.
Sa interview sang Bombo Radyo kay Police Corporal Erwin Magarzo, Spokesperson sang IPPO, iya ginpahayag nga kinahanglan nga mangin sensitibo ang kada isa agud mabuligan ang sin-o man ilabi na ang myembro sang pamilya nga may problema.
Suno sa iya, importante ang komunikasyon kag simple nga pagpakigsugilanon sa tawo agud mabatyagan sini nga may abyan siya nga nagaulikid kag nagapamati sa iya.
Ginpahayag niya nga sa bahin sang PNP, bukas ang ‘Pag-ulikid Desk’ nga handa maglaygay kag magtabang sa mga tawo nga nagakinahanglan sang bulig.
Suno sa iya, yara man ang presensya sang Pag-ulikid Desk sa kada Municipal Police Station.
