Kun may makita ka nga baby ukon lapsag, nanamian ka man bala mag-ulit sa ila?
Suno sa mga eksperto, matuod ang mga tinaga nga ‘laughter is the best medicine’ indi lang para sa mga tigulang kundi mangin man sa mga babies gani importante nga gina-ulit sila agud mapasanyog ang ila ikaayong lawas samtang nagadako.
Suno kay Dr. Jeanne Segal, psychological therapist sa Estados Unidos, ang regular nga pagpakadlaw sa mga babies kag toddlers nga naga-edad lima ka-tuig panubo ang nagabulig sa pagpasangkad sang ila nga self-esteem kag creative skills.
Ang pag-ulit sa mga babies ang nagapasanyog man sang ila future resilience kag nagapanubo sang ila anxiety.
Pahayag sang doktor, kun palakadlaw ang isa ka bata, mas nagabaskog ang immunity sini batok sa mga balatian bangud sa endorphins ukon feel good hormones sa ila lawas rason nga mas nagasangkad ang ila gana sa pagkaon kag mas masulhay ang ila nga tulog.
