Apisar predominantly Muslim ang populasyon sa Kingdom of Bahrain, gina-abi abi na sang mga Bahraini ang pag-selebrar sang Valentine’s Day, ang adlaw nga gina-obserbar sunod sa Christian patron saint for lovers.
Malayo ini sa sitwasyon sang nagliligad nga tuig kun sa diin may mga religious leaders nga nagapaandam batok sa pag-selebrar sa Adlaw sang Tagipusuon bangud ginpahayag nga isa ini ka pagan tradition nga naga-promote sang bisyo kag moral corruption.
Ginkontra man ini anay sa amo nga Western Asian island country bangud wala ini nagasanto sa Islamic values kag social traditions bangud mga tawo lang sa West ang nagahimo sini.
Sa subong suno kay Bombo International Correspondent Domingo Camus direkta sa Bahrain, mangin ang mga Bahrainis ang nagabitbit man sang bouquet of flowers sa Pebrero 14.
May nagaraya man ang mga manugbaligya sang bulak sa higad sang dalan kag kalabanan sa flower vendors amo ang mga dumuluong bangud masami nga naga-order lang ang mga tumandok.
Ginakabig man ni Camus nga daku ang nangin impluwensya sang mga Pinoy sa amo nga pungsod sa iban nga Bahrainis pag-abot sa pag-feel sang Valentine vibe.
Ini bangud masami man nga mga Pinoy ang gina-hire nga mag -desinyo sang mga bulak sa weddings kag iban nga okasyon nga para sa couples.
Mismo si Camus ang nagaplano man nga magpatindog sa flower shop sa amo nga lugar. Sa rekord sang Department of Foreign Affairs (DFA), may 40,000 Filipinos sa amo nga pungsod. ##
