𝗜𝗟𝗢𝗜𝗟𝗢 𝗖𝗜𝗧𝗬 – Ginakahangaw-an ang pagbaha sa ginkutkot nga karsada kag drainage sa JM Basa Street, Iloilo City Proper.
Sa interview sang Bombo Radyo kay Ofelia Villosa, sidewalk vendor, iya ginpahayag nga sa tion nga mag-ulan, nagasupot ang tubig sa ginkutkot nga dalan.
Suno kay Villosa, nagalibot pa sa lain nga dalan ang mga pedestrian sa tion nga nagabaha sa lugar kag nagagamit sang latayan.
Nagalaom man ini nga mapadasig na ang pagkaayo sang proyekto agud indi na magtuga sang huol sa mga pedestrian.
Ang proyekto ang nag-umpisa sang Setyembre 24, 2024 kag ginalauman nga matapos sa Hulyo 13, 2025.
