Maumpisa na subong nga adlaw ang pagbakuna sa mga construction kag factory workers.
Suno kay Department of Labor and Employment (DOLE) Sec. Silvestre Bello III, kapin 500,000 ang ginpain para sa mga construction kag manufacturing workers sa pungsod.
Ginhatagan ang lokal nga panguluhan sang 450,000 doses sang bakuna nga amo ang magapakig-angot sa mga industriya para sa rollout.
Suno kay Bello, dako ini nga butang agud nga maghulag ang ekonomiya sang pungsod.
Sa una nga pahayag ang DOLE, ang mga factory workers sang Calabarzon, Central Visayas kag contruction workers sang Metro Manila amo ang una nga hatagan sang bakuna.
Gin-athag man ang natungdan nga magapadayon ang construction sa idalom sang Build Build Build Program.
