ILOILO CITY – Wala sang epekto sa nagapadayon nga rehabilitasyon sang Boracay ang pagbalasa ni Tourism Secretary Romulo-Puyat sa mga assistant secretaries kag undersecretaries sang talatapan.
Sa interview sang Bombo Radyo Iloilo, ginapahayag ni DoT-6 director Atty. Helen Catalbas nga welcome sa ila kag positibo nga lihok ang ginhimo sang bag-o nga tiglikom sang ahensiya.
Suno kay Catalbas, prerogaive ni Puyat nga magdihon snag iya kaugalingon nga team nga luyag makatrabaho sa DoT.
Tiyempo naman suno kay Atty. Catalbas agud magpatuman sang review si Sec. Puyat sa kwalipikasyon, integridad kag track record sang mga assistant secretaries kag undersecretaries nga nagapungko sa DoT.
Padayon ang rehabilitasyon sang Boracay suno kay Catalbas apang nagalaum nga kun may pagbag-o, ipahibalo ini sa iya.
Nagalaum man s Atty. Catalbas nga magapabilin sa DoT si Assistant Secretary Ricky Alegre nga nag-submit na sang iya resignation, ilabi na nga mga dako ini nga papel nga ginatungdan sa rehabilitasyon sang Boracay.