ILOILO CITY– Wala ginapahanugutan ang pagbaligya sagwa sang Molo Cemetery kadungan sang tigkalalag 2019.
Sa interview sang Bombo Radyo kay Poblacion Molo Punong barangay Rosalinda Dominguez, iya ginpahayag nga ginabawalan nila ang pagpahamtang sang mga kiosko sagwa sang patyo.
Suno kay Dominguez, ang pagbawal sang baligyaanay sagwa sang patyo ang isa man ka paagi agud malikawan ang pagginutok sang tawo.
May yara man suno sa iya sang lugar sa Molo plaza nga ginhatag ang Iloilo City Government agud pahamtangan sang bulak kag iban pa nga baligya.
Magluwas diri suno sa natungdan, may deployment man sang mga pulis kag tanod, agud masigurado nga matawhay kag hilway ang tigkalalag.
