ILOILO CITY- May patigayunon sa gihapon nga mga novena masses apisar kanselado ang madamo nga mga aktibidad kaangot sa kapiestahan ni Nuestra Señora de la Candelaria.
Sa interview sang Bombo Radyo kay Rev. Fr. Angelo Colada, Director sang Commission on Social Communications sang Archdiocese of Jaro, iya ginpahayag nga nagsugod ang novena masses sang Enero 24 tubtob sa adlaw sang fiesta sa Pebrero 2 sa kada alas- 5:30 sang hapon.
Suno kay Colada, bukas man ang Chapel of Light sa kilid sang katedral para sa luyag magsindi sang kandila kag maghalad sang pangamuyo.
Samtang, ginpahayag niya nga kanselado ang prusisyon , dumilian ang baligyaan sang perdon sa palibot sang katedral.
Dumilian man umpisa sa Pebrero 1 ang pagsaka sang mga deboto sa balcony sang simbahan kun sa diin nahamtang ang imahe ni Candelaria kun buksan lang ini liwat sa publiko sa Pebrero 3.
May yara naman sang FIESTA CANDELARIA 2022 VIRTUAL TOUR: A walk-through to the Jaro Cathedral, the home of the Candelaria.
Ini nga Virtual Tour naga- feature sang importante nga areas, edipisyo kag struktura sa Jaro Cathedral nga nangin testigo sa manggaranon nga maragtas sang simbahan sang Jaro.
