ILOILO CITY- Ginakonsiderar na sang gobyerno ang pag-regulate sang pagbaligya sang oxygen tanks sa tunga sang posible nga surge sang COVID-19 cases bangud sa mas makalalaton nga Delta variant.
Suno kay Department of Health (DOH) Undersecretary Maria Rosario Vergeire, ini agud masiguro nga ang mga nagakinahanglan lang sang oxygen tanks ang makabakal sini.
Ginpahayag ni Vergeire nga dapat nga may prescription antes ini mabakal.
Sa subong suno sa iya, nagapakigsugilanon na ang DOH kag Department of Trade and Industry sa mga manufacturers sang oxygen tanks nga padamuon ang ila produksyon nga may pagtaas sa demand.
Una na nga nagpanawagan ang World Health Organization (WHO) nga damuon sang Pilipinas ang oxygen supplies nga kinahanglan sang mga COVID-19 patients.
