ILOILO CITY-Nagpaathag ang pamunuan sang Maritime Industry Authority (MARINA) tuhoy sa indi sa gihapon pagbalik sang byahe sang mga fastcraft via Iloilo-Bacolod and vice versa.
Sa exclusive interview sang Bombo Radyo Engr. Jose Venancio Vero, regional director sang Maritime Industry Authority Region 6, iya ginpahayag nga santo sa ila nakasugtan sang mga fastcraft operators, Philippine Ports Authority kag Philippine Coast Guard, indi sa gihapon mahimo nga magrisgo ang mga fastcraft operators kun wala sang ginauyatan nga pirmado nga executive order nanday Iloilo City Mayor Jerry Treñas kag Bacolod City Mayor Evilio Leonardia.
Suno kay Engr. Vero, sa tion nga mauyatan na nila ang executive order, magahingyo sila sang duha ka adlaw agud mahitso ang pagbalik sang byahe sang mga fastcraft.
