ILOILO – Nakadepende sa local government unit (LGU) kun pahanugutan na nga makabalik sa trabaho ang mga personnel sang Bureau of Fire Protection (BFP) Region 6 nga nagnegatibo sa coronavirus disease 2019 (COVID-19).
Ini matapos nga sang damlag lang, na-identify ang 196 ka mga personnel nga close contacts sang COVID-19 positive nga firewoman sa rehiyon.
Sa interview sang Bombo Radyo kay Fire Senior Inspector Stephen Jardeleza, tagpamaba sang nasambit nga pamunuan, iya ginpahayag nga sa syudad sang Iloilo, may direktiba na nga mahimo makabalik ang mga opisyal nga may negative test results.
Sa gwa naman sang syudad, diretso na ini sang mga lokal nga opisyal.
Nagbalik naman sa normal ang transaction sa pamunuan matapos gindisinfect ang bug-os nga building kag ginsaylo ang naka-quarantine nga mga personnel sa LGU-identified nga quarantine facility.
Sa subong, may yara pa sang 15 ka test results nga ginahulat.
