MANILA – Suportado sang mga Filipino ang pagbalik sang capital punishment nga death penalty sa pungsod.
Ini ang santo sa ginlunsyar nga pagpanalawsaw sang Commission on Human Rights.
Suno kay Mae Labucay, co-author sang pagtuon nga may tig-ulo “In Defense of the Right to Life: Analyzing Factors Affecting Filipino Opinion About Death Penalty”, mas mabatyagan sang mga Filipino nga safe ang pungsod kun ibalik ang silot nga kamatayon para sa mga nakahimo sang heinous crimes.
Magluwas diri, nagaguwa man nga ang mga krimen nga ginapalayag sang media ang nakatuga sang kaakig ukon kahadlok sa publiko.
Para naman kay Francis Tom Temprosa nga nagatudlo sang Refugee Law sa Ateneo Law School, ang pagsuporta sa death penalty bangud lamang sa “feelings” ukon balatyagon ang mahimo magresulta sa inhustisya.
Mas maayo man suno kay Temprosa nga ipakita sang media ang highlights kasubong sang “everyday triumphs of right to life”.
Matandaan nga kadungan sang ika-lima nga State of the Nation Address ni Presidente Rodrigo Duterte sang Hulyo, iya nga ginduso nga nagakadapat nga ipasar na sang Kongreso ang hagna sa pagbalik sang death penalty.
Matandaan nga ang death penalty ang gindula sang 2006 kadungan sang termino ni anay Presidente kag House Speaker Gloria Macapagal Arroyo.
