MANILA – Ginpahanugutan ni Presidente Rodrigo Duterte nga makabalik sa China ang Overseas Filipino Workers sa pihak sang pamahog sang Coronavirus Diisease 2019 (COVID-19).
Sa iya nangin mensahe sa Malacañang, ginpahayag ni Presidente Duterte nga ang returning Filipino Workers sa mainland China ang mahimo nga makabalik sa trabaho magluwas lamang sa Hubei province.
Pahanugutan lamang ang isa ka Overseas Filipino Worker nga makabalik sa China kun may yara sang declaration nga ila nahangpan ang risgo.
Magluwas diri, may igahatag man sa ila nga health advisory pamphlet bilang pahanumdom.
Ginpasalamatan man sang Presidente si Chinese President Xi Jin Ping bangud sa pagpatuman sang mga lihok agud nga matapna ang paglapta sang virus.
