BAROTAC NUEVO, ILOILO – Tuman ka istrikto ang pagbantay sang otoridad sa Barotac Nuevo, Iloilo kasunod sang labing una nga kaso sang Coronavirus Disease 2019 (COVID-19) sa nasambit nga banwa.
Sa paglibot sang Bombo News Team, wala ginpaidalom sa lockdown ang nasambit nga banwa apang ang karsada lang sa palibot sang plaza ang mahimo nga maagyan.
Ang iban naman nga alagyan sa palibot sang banwa ang ginsirado agud nga malimitahan ang exposure sa COVID-19 kun sa diin 24/7 ang pagbantay sang otoridad.
Nagpatigayon man sang pag-disinfect sa pila ka barangay agud nga mapatay ang virus ilabi na sa lugar kun sa diin naga-istar ang labing una nga COVID-19 patient sa nasambit nga banwa.
