Mas masangkad nga deployment sang traffic enforcers ang ipatuman sang Iloilo City Traffic Transportation and Management Office (TTMO) kadungan sang Easter Sunday.
Sa interview sang Bombo Radyo kay Ret. Police Colonel Uldarico Garbanzos, iya ginpahayag nga dugangan ang deployment sang enforcers sa Distrito sang Arevalo kag Molo.
Suno kay Garbanzos, tutokan sang talatapan ang tagsa ka critical corners bangud ginalantaw nga mas madamo subong ang magapadulong sa mga beach.
Bantayan man sang TTMO ang mga overloaded nga salakyan ilabi na ang mga tricycle.
Doble naman ang pagsekyar sa mga dalan nga ginahimo nga parking areas sang pila ka mga salakyan.
Nagpasalig man si Garbanzos nga handa ang enforcement kag clearing team kon hinali may magluntad nga disgrasya sa dalan.
