Hugton sang Iloilo City Task Force on Morals and Values ang monitoring sa prostitusyon ukon pagbaligya sang hingalit nga kalipay.
Ini kasunod man sang report sang pagpangsaputi sa isa ka ice cream vendor sa City Proper bangud sa amo nga hitabo.
Sa interview sang Bombo Radyo kay Nestor Canong, head sang Task Force on Morals and Values, iya ginpahayag nga kon basehan lamang ang layi, tuman ini ka sakit para sa mga nagapakigbahin sa amo nga aktwasyon.
Suno kay Canong, ang mga indibidwal nga makit-an sa tion sang kagab-ihon nga naga-engage sa amo nga buluhaton ang ila na lamang nga gina-istorya kag ginapapauli.
Ginpahayag man sini nga indi manegar nga kalabanan sa mga napartisipar sa hingalit nga kalipay ang ginahimo na nga palangabuhian.
Nagpasalig man si Canong sang koordinasyon sang talatapan sa kapulisan agud malikawan ang gamo bangud lamang sa paghingalit sang madasig nga kalipay.
