ILOILO CITY – Natigayon na nga maistorya sang Iloilo City Police Office ang mga security guards kag mga empleyado sang mga jewelry store kag financial institutions sa Guanco St., Iloilo City Proper agud mapahibalo ang dapat himuon may kaangtanan sa posible pagluntad sang krimen.
Ini ang may kaangtanan sa mga report nga may yara sang makaduluda nga mga indibidwal sa gwa sang mga establisemento nga ginapatihan may motibo sa pagpangawat.
Sa interview sang Bombo Radyo kay Police Lt. Col. Alexis Relado, deputy city director for administration sang Iloilo City Police Office, iya ginpahayag nga apisar indi pa kumpirmado ini nga mga report, dapat nga magpabilin nga vigilante ang tanan.
May mga pulis man nga nakadeploy sa lugar kag masami nga nagaagi ang patrol car.
Suno kay Relado, ang nagapanguna nga obligasyon sang mga beat patrol sa lugar amo ang pagbantay sa mga tawo agud matuman ang minimum health protocols, apang dala man diri ang dugang nga pagbantay sa mga suspicious-looking individuals.
Nahibaluan nga una na nagpanugyan ang otoridad nga mas maayo kun may yara sang CCTV (closed-circuit television) sa mga establisemento agud malikawan ang pagluntad sang krimen.
