ILOILO – Padayon nga nagabaton sang nominees ang JCI Iloilo Ilang-Ilang may kaangtanan sa Ang Ilongga Awards.
Sa Good Morning Philippines program, ginpahayag ni Atty. Ma. Monica Leticia Espinosa, Presidente sang JCI Iloilo Ilang-Ilang, nga kutub pa sa Marso 31 ang pagbaton sang nominees samtang ang awarding naman ang patigayunon sa bulan sang Mayo apang wala pa sang pinal nga petsa.
Suno kay Espinosa, ang Ang Ilongga Awards ang bukas sa tanan nga taga probinsya sang Iloilo, naga-edad sang 18 anyos paataas kag may yara sang achievement sa ginpili nga propesyon.
Ginpahayag ni Espinosa nga ang application form ang mahimo nga makuha sa Second Floor sang Festive Walk Mall ukon mahimo man ini nga ma download sa Facebook page sang Ang Ilongga Awards kag mahimo ini nga ipasa sa Iloilo City Hall room 606 ukon sa email address nga iloiloilangilang@gmail.com.
Kabahin sa criteria amo ang mga masunod: Leadership – 30%, Human Empowerment – 20%, Community and Civic Involvement – 20% kag Social Impact – 30%.
May yara sang screening process nga patigayunon kag may surprise site validation antes pilion ang tatlo ka finalist nga makabaton sang cash prize, plaque of appreciation kag iban pa nga benepisyo.
