Opisyal na nga ginkumpirma sang representatives nanday Katy Pery kag Orlando Bloom ang ila nga pagbulagay.
Suno sa kampo sang anay magkarelasyon, pila ka bulan na nga nagtutok sa co-parenting set-up ang American singer-songwriter kag Pirates of the Caribbean star.
Nagsugtanay man sila nga mag-updanay kun kinahanglan sang ila bata nga si Daisy Dove Bloom, bangud ang ila prayoridad amo ang pagpadaku sa ila anak nga may pagpalangga kag “mutual respect.”
“Due to the abundance of recent interest and conversation surrounding Orlando Bloom and Katy Perry’s relationship, representatives have confirmed that Orlando and Katy have been shifting their relationship over the past many months to focus on co-parenting,” kabahin sang statement nga gin-publish sa Billboard. “They will continue to be seen together as a family, as their shared priority is — and always will be — raising their daughter [Daisy Dove] with love, stability and mutual respect.”
Nag-umpisa sang 2016 ang relasyon nanday Katy kag Orlando, nagbulagay sang 2017, apang nagbalikanay liwat kag na-engage sang Valentine’s Day sang 2019.
May asawa anay ang 48-anyos nga aktor nga isa ka Australian model kag may isa sila ka anak. Ang 13-time Grammy Award nominee nga si Katy naman ang nakasal man anay sa komedyante nga si Russel Brand.#
