ILOILO CITY- Indi na pagtutugan sang Philippine Amusement and Gaming Corporation (PAGCOR) ang bag-o nga mga hires sa Philippine Offshore Gaming Operations umpisa subong nga adlaw.
Ini ang resulta sang mando ni President Ferdinand Marcos Jr. nga untaton ang POGO operations sa pagtakop sang tuig.
Suno kay PAGCOR chairman Alejandro Tengco, ang ginahatag nila nga lisensya ang isa ka pribilehiyo ka mahimo nga bawion ano man nga oras.
Natalana naman nga magpakigsapol ang PAGCOR sa mga POGO companies sa masunod nga semana.
Kapin 40,000 ka Filipino workers naman gikan sa 43 ka mga legal POGOS ang maapektuhan sang nationwide POGO ban.
Ginpahayag naman sang Department of Labor and Employment (DOLE) nga nakigsugilanon na ini sa business process outsourcing kag information technology companies agud buligan ang apektado nga mga workers.
Una na ginsiling sang DOLE nga gina-profile na nila ang apektado nga POGO workers agud ma-determina ang trabaho nga santo sa ila kag ang training nga kinahanglan para sa mas maayo nga oportunidad.
