Magalunsar ang Philippine Amusement and Gaming Corporation (PAGCOR) sang kaugalingon sini nga online casino sa una nga quarter sang 2024.
Suno kay PAGCOR Chairman kag CEO Alejandro Tengco, ini nga gambling site nga “casinofilipino.com” ang nagatuyo sa pag-employ sang virtual reality-based technology nga daw kaangay gid sang physical casino.
Suno kay Tengco, paagi sa sini, makalab-ot ang casino sa global audience kag makapangita pa sang new markets.
“It will allow players to interact with the digital counterparts of traditional casino games. It will also transcend physical boundaries and will enable users from around the world to interact and participate in virtual environments,” pahayag ni Tengco.
Magluwas diri, gina-modernize subong ang slot machine operations sang ahensya.
Una na nga ginpahayag sang state-run gaming regulator kag operator nga ang total income sini halin sa Enero-Hunyo 2023 ang nagdangat sa P34.125 billion. Ang income nga ginapaabot sa second half ang ginalantaw magalab-ot sa P37 billion; buot silingon, mahimo nga magdangat ang full year income sa P71 billion.#
