Pagdagsa sang tuloy nga isda sa Concepcion, Iloilo, isa ka “healthy” nga senyales para sa BFAR Region 6

Isa ka positibo nga senyales para sa Bureau of Fisheries and Aquatic Resources (BFAR) ang pagdagsa sang tuloy nga isda sa Concepcion, Iloilo.

Sa interview sang Bombo Radyo kay Remia Aparri, Director sang BFAR Region 6, iya ginpahayag ang pagdagsa sang tuloy ukon Indian oil sardine sa Concepcion ang nagapakita nga “healthy” ang tubig-dagat sa lugar.

Apang sa pihak sini suno kay Aparri, isa ini ka dako nga pagpanghangkat sa Local Government Unit (LGU) sang Concepcion sa kon paano i-manage ang “over supply” nga isda sa lugar.

Ginpahayag man sini nga magapatuman ang ahensya sang feasibility study agud magtukod sang processing plant sa lugar.

Gin-athag man sang natungdan nga indi man ini masami nga nagakatabo, apang tuigan ini nga ma-ekspersyahan sa nasambit nga banwa.

Gintumod man ni Aparri nga i-preserve ang mga isda sa post process sini agud nga kon mag-abot ang oras nga nagakulang ang supply sang isda, mahimo ini nga magamit.