ILOILO CITY – Indi na madayon ang pagdala sang specimen sa Cebu agud nga masolusyunan ang backlogs sa Western Visayas Medical Center Sub-National Laboratory.
Sa interview sang Bombo Radyo kay Public Safety and Transportation Management Office head Jeck Conlu nga nagaserbe man nga focal person for COVID-19, iya ginpahayag nga sa subong, naumpisahan na ang pagproseso sang linibo nga backlogs.
Suno kay Conlu, kun dal-on pa sa Cebu ang specimen, mas maatrasar pa gid ang pagpaguwa sang resulta.
Ginpahayag ni Conlu nga masarangan na sang nasambit nga Sub-National Laboratoy ang pagtapos sang backlogs.
