Nagpaathag si Iloilo City Mayor Jerry Treñas kaangot sa mga issue nga naangot sa iya anak nga si Raisa Treñas-Chu.
Ini kasunod man sang pagpanguna ni Ms. Raisa sa 100-day countdown sang Iloilo Dinagyang 2025.
Sa interview sang Bombo Radyo kay Ms. Joy Fantilaga, spokesperson sang alkalde, iya ginpaathag nga mismo si Mayor Jerry Treñas ang nag-ayo sa iya bata nga maghatag sang mensahe kag magdeklarar sang opening sang amo nga kahiwatan.
Suno kay Fantilaga, mismo ang Iloilo Festivals Foundation Incorporated (IFFO) ang nag-imbitar sa alkalde agud nga opisyal buksan ang countdown.
Apang bangud nga naka-sick leave kag yara sa Manila ang alkalde, ginhingyo sini nga magtilawas sa iya sa amo nga kahiwatan.
Ginpahayag man sini nga nagkadto si Raisa bilang bata sang alkalde kag indi executive assistant to the mayor bangud nga naka-resign na ini sa amo nga opposition.
