ILOILO – Gin-athag ni Iloilo Gov. Arthur Defensor Jr. nga indi na sakop sang iya jurisdiction ang pagdesisyon kun bala pahanugutan ukon indi ang pagpatigayon sang rally sa atubang sang Iloilo Provincial Capitol.
Sa interview sang Bombo Radyo kay Defensor, iya ginpahayag nga wala siya sang gahum sa pagdesisyon bangud nga ang duta nga ginahamtangan sang kapitolyo ang sakop sang syudad sang Iloilo.
Suno kay Defensor, nakabakal lang sang propidad sa syudad ang Iloilo Provincial Government apang ang iya mandu ang mangin epektibo lamang sa bug-os nga probinsya.
Para sa iya, ginpahayag ni Defensor nga wala sang problema ang pagpatigayon sang rally sa atubang sang kapitolyo kun ini ang may permit kag kun ginasunod lang ang physical distancing measure kag iban pa nga health protocol.
