ILOILO CITY – Iga-tap sang Police Regional Office 6 ang tagsa ka Local Government Unit sa pagbalay sang ordinansa nga magadumili sa pagtuga sang unnecessary noise ukon gahod sa tion sang class hours.
Ini ang may kaangtanan sa reklamo sang mga ginikanan tuhoy sa gahod rason nga indi makatuon sang maayo ang mga estudyante nga nagapaidalom sa home-based learning.
Sa interview sang Bombo Radyo kay Police Regional Office 6 spokesperson Police Lt. Col. Joem Malong, tagpamaba sang Police Regional Office 6, iya ginpahayag nga may yara na sang mandu si Police Brigadier Gen. Rene Pamuspusan sa mga chief of police kag sa station commanders nga magpakig-angot sa mga local chief executive tuhoy sa nasambit nga inisyatibo.
Suno kay Malong, may mga Local Government Unit sa rehiyon nga may yara na nga daan sang existing noise ordinances apang may mga lugar naman nga wala pa ordinansa tuhoy diri.
Sa tion nga maaprobahan, lakip sa mga pagadumili-a sa tion sang class hours amo ang videoke kag iban pa nga aktibidad nga makatuga sang gahod sa palibot.
