Ginakabig nga regalo para sa mga tumuluo ang pagdula sang mga bayad sa kasal, lubong kag bunyag sa Simbahang Katolika.
Ini ang kasunod sang pastoral statement halin sa Catholic Bishops’ Conference of the Philippines nga i-abolish ukon dulaon na ang “arancel” system — ang paghatag sang fixed nga amount ukon balayran sa church services.
Sa interview sang Bombo Radyo kay Rev. Fr. Angelo Colada, director sang social communications sang Archdiocese of Jaro, iya ginpahayag nga madugay na ini nga plano umpisa pa sang Plenary Council of the Philippines II.
Kag tungod sa pagsaulog sang 500 years of Christianity sa pungsod, isa ini sa mga regalo para sa mga tumuluo.
Apang suno kay Colada, indi man madali-dali nga ipatuman ini apang sa subong gina amat-amat na ini sa pila ka mga Simbahang Katolika sa pungsod.
Sa Jaro Metropolitan Cathedral pahayag niya, amat-amat naman ini nga ginapatuman sa diin may yara sang kumon nga kasal, kumon nga lubong kag kumon nga bunyag nga ginapatigayon sa diin ini tanan ang wala sang bayad.
