ILOILO CITY – Ang pagdumdom sang Liberation of Panay, Romblon kag Guimaras ang wala lamang nagapakita sa aton sang pag-abot sang US Forces agud nga mabuligan kita nga mahilway nagikan sa pagsakop sang mga Hapon.
Ang Liberation of Panay ang nagapakita man kung paano sang mga katigulangan naton napangitaan sang paagi nga mahilway ang lugar sa mga mananakop.
Ini ang opinyon sang isa ka manunudlo kag historian.
Sa interview sang Bombo Radyo kay Dr. Rey Carlo Gonzales sang University of the Philippines, iya ginpahayag nga ang Liberation of Panay ang wala lamang nag-ugat sa pag-abot sang 40th Infantry Division sang US Army.
Nagapati si Gonzales nga nagtinguha ang mga Filipino nga hangaway agud nga maangkon ang kahilwayan paagi sa pagpangita sang koneksyon sa allied forces, pagtukod sang grupo, paghimo sang mga panapton kag hinganiban kag iban pa nga gamit kag pag-organisa sang Battle of Balantang.
Ang Iloilo ang pinasahi sang sa iban nga lugar sa pungsod bangud sang nag-abot ang mga Amerikano, na-clear na ang landing site.
Ang pagdumdom sang mga kabudlay nga naagyan sang mga katigulangan sa Liberation of Panay suno kay Gonzales ang magagiya sa aton kung paano naton atubangon ang subong nga problema kaangay na lamang sang COVID-19 pandemic.
