ANTIQUE – Mas tutukan sang Regional Development Council (RDC) subong nga tuig ang pagduso sang pondo para sa pagpatukod sang Iloilo-Guimaras Bridge.
Ini ang ginpromisa ni Antique Governor Rhodora Cadiao sa iya pagpanumbalik bilang chairperson sang RDC sa diin natalana siya nga magasumpa kay Presidente Rodrigo Duterte sa Lunes, Oktubre 28.
Sa interview sang Bombo Radyo kay Cadiao, iya ginpahayag nga igaduso niya liwat sa Department of Budget and Management (DBM) nga himuon nga prayoridad ang pagpatukod sang taytay.
Suno kay Cadiao nga bisan ang taytay nga naga-angot sang Iloilo kag Guimaras lang anay ang unahon para sa seguridad sang mga nagatabok sa isla sang Guimaras kag sa syudad sang Iloilo kag agud nga malikawan na ang nagluntad nga Iloilo Strait tragedy sa diin 31 ang napatay.
Ginpahayag ni Cadiao nga isa ini ka long-term plan kag may yara na sang feasibilty study.
Nahibaluan nga sa administrasyon ni anay Iloilo Governor Arthur Defensor. Sr kag Guimaras Governor Samuel Gumarin naumpisahan ang pagduso sang daku nga infrastructure project apang sa impormasyon nga nabaton ni Cadiao, may buhin na ang pondo kag wala napasar ang ginduso sang RDC.
