ILOILO CITY- Plano nga i-regulate sang Iloilo City Council ang paggamit sang bike lane sa Syudad sang Iloilo.
Sa interview sang Bombo Radyo kay Councilor Rommel Duron, chairman sang Committee on Transportation, iya ginpahayag nga katuyuan sini nga masolusyunan ang problema may kaangtanan sa pagpark ukon pagpondo sang mga pribado kag pampubliko nga mga salakyan sa kilid sang dalan bangud sa presensya sang bike lane.
Suno kay Duron, mas maayo kon may nakatalana lang nga oras sa paggamit sang bike lane.
Pahayag sang konsehal, kon kinahanglan, pasaran nila ini sang ordinansa apang sa subong, ikonsulta nila anay ini kay City Councilor Jay Treñas nga amo ang author sang bike lane ordinance sang syudad.
