Busision sang Kamara ang paggamit sang intelligence funds sang nagkalain-lain nga ahensya sang gobyerno kasunod sang pagpalagyo ni anay Mayor Alice Guo pakadto sa luwas sang pungsod apisar pa nga nabutang na ang pangalan sini sa Immigration Lookout Bulletin Order (ILBO).
Suno kay House appropriations committee chairman kag Ako Bicol party-list Rep. Elizaldy Co, seryoso ang ila nga pagkabig sa alokasyon kag paggamit sa sini nga pondo gani nga makahalangawa gid ang insidente sang pagpalagyo sang anay mayor nga kilala man nga si Guo Hua Ping.
Dapat suno kay Co nga indi na matabo ang kaangay sini nga “lapses” bangud may husto man nga alokasyon nga ginahatag para sa intelligence operations.
Kada piso sang pondo sa intelligence funds ang dapat siguruhon suno sa iya nga naggamit sang husto kag epektibo.
Magluwas sa gin-cite nga kaso ni Go, kinahanglan man ang review sang intel funds suno sa mamalidha bangud madamo pa sang high-profile nga ginapangita ang otoridad kaangay kanday Kingdom of Jesus Christ founder Pastor Apollo Quiboloy kag anay BuCor Chief Gerald Bantag.
