Paggamit sang AstraZeneca vaccine para sa mga naga-edad 59 anyos panubo, padayunon na suno sa FDA

Padayunon na ang pagbakuna sang mga COVID-19 vaccine sang AstraZeneca sa mga naga-edad 59 anyos panubo.

Matandaan nga temporaryo nga ginpa-untat ang pagpangbakuna sang AstraZeneca vaccines sa mga naga-edad 59 panubo matapos ang mga reports sa iban nga pungsod nga may mga nabakunahan nga nagtuga sang blood clot.

Suno kay Food and Drug Administration (FDA) Director-General Eric Domingo, ginpasalig sang World Health Organization nga nagapangibabaw ang mga benepisyo sang bakuna.

Pahayag niya, sa Pilipinas, wala pa sang may nakita ang Adverse Events Committee sang kaangay nga mga kaso.

Nahibaluan nga naglab-ot sa 525,600 nga bakuna sang AstraZeneca ang ginpadala sa Pilipinas.