𝗜𝗟𝗢𝗜𝗟𝗢 𝗖𝗜𝗧𝗬 — Nagpaandam ang isa ka abogado sa mga public officials nga hugot sila nga ginadumilian nga mag-intra ukon magpakigbahin sa Philippine Offshore Gaming Operators (POGO).
Sa interview sang Bombo Radyo kay Iloilo 4th District Board Member Domingo Oso, Jr., isa ka abogado, iya ginpahayag nga ang POGO ang isa ka pribado nga korporasyon ukon entity nga ginahatagan sang otoridad sang Philippine Amusement and Gaming Corporation (PAGCOR) agud nga maka-operate sa isa ka lugar.
Suno kay Oso, ang amo nga hampang ang ginapaguwa sa sagwa sang Pilipinas paagi sa teknolohiya, apang diri naga-originate sa pungsod, rason nga gintawag ini nga “offshore gaming”.
Ginpahayag man sini nga apisar nga diri gina-operate ang hampang sa pungsod, may sarang nga magpakigbahin ang iban nga nasyon paagi sa internet.
Nahibaluan nga may anay high-ranking government official ang nagtuyo nga magsekyar sang lisensya para sa illegal nga offshore gaming operators nga sang damlag lang, gin-raid sang mga otiridad.
Wala naman ginpangalanan sang Philippine Amusement and Gaming Corp. ang identity sang nasambit nga former government official.
Nagpasalig naman si PAGCOR chief executive officer and chairman Alejandro Tengco nga tinghuwaan sang ila mga imbestigador nga tukibon ang role sang anay mga opisyales kasunod sa paghatag sa mga aplikante sang lisensya agud nga maka-operate.
